مُعاينة البيانات الشخصية
من طرف 
انشع من اشوفنك علي جاء وسكر حيل اذا اشبكَك أطوطح
ويصير العيد مأتم لون ما جيت وبيوم الطبكَـ لو جيت أفرح
وكَول أربحت وأنه وياك خسران وأكَول أخسرت لو وي غيرك أربح
مرجوحه الكًلب ومحبتك عيد وبما أنك طفل حقك تمرجح
حلو وتلمع وتكتك أنت تفسير أذن عذرك وياك وأنت تجرح
وما افكر أخاف أنت تذبحني أفكر خاف أتعبك وأنت تذبح
وأعرفك غلط بس مستعز بيك وكَمت الخاطرك اكره الصح
تسوه الدنيا عندي من أكَعد وياك وبدونك كلشي ما تسوه دنيتي
من أطب البيتكم أشبكَـ على الباب ويشبكَكَـ بابنه من تطب بيتي
وأتأذه أذا وي غيرك أرتاح وحيل أرتاح أذا منك أذيتي
وفرق ما بين عمري وعمرك أهواي وكَمت الخاطرك أصبغ لحيتي
ويغيرك من يردلي العمر ما أريد وأريد وياك لو يمك منيتي
وعليك العين تبجي ليل ونهار واكَلها أشعطلج شو ما بجيتي
وقضيتي وياك خلتني ما أشوف ودعي من الله لا تنحل قضيتي
ويوصي أهله بجهاله الرايد يموت بس اسمك لكَوه أهلي بوصيتي
على غيرك ما نحي ما بيه على النوح وعليك أشكَد حلو يونسني نوحي
وكَظيت أزيارتي بس أندعيلك ونسيت وداعتك أندعي الروحي
وجنت من روحي ضايج قبل ما الكَاك وكل ساعه اكل الروحي دروحي
هسه لا بعد من روحي ما اضوج اشلون اضوج وانت الصرت روحي
انشع حيل من تلجمني الجروح واظل مقهور لو طابت جروحي
اعتبرت الي يداوني اليلجمون وتلجم بيه واعتبرك علاجي
سجين بحبك انه متاني الافراج وصلي وندعي لا يجي فراجي
محتاج الحنانك حيل محتاج ومحد غيرك يسدلي احتياجي
واذا عطشان يلكَه نهر مثلك ما معقوله يفتر على السواجي
تحرجني بقصد واطلع الروح وكل الروحي ما يقصد احراجي
ابو الطبع المزاجي اشكَد اكرهه وموت اعليك جي طبعك مزاجي
تقبلو خالص تحياتي
العقرب العراقي
