أنولدنه احنه بمدينه اتحفها الورود
والتحفها الورود شهالمدينه
مدينه مبركَعه من الطول للطول
وسور البركَع مخيم علينه
مدينه ولا جنت فد مره كاروك
حطتنه بحضنها اتلولي بينا
ودللول ولو كَالت فد مره دللول
السهر يغفه بحظنها وهالغفينه
مدينه ادور من الصبح لليل
وتجيب الفرح تترس بيه ادينه
ماتت هالمدينه وماتت الكاع
وندفن يا هو الأولى ما درينا
ندفن بالمدينه مجفنه الكَاع
لو بالكَاع ندفنها المدينه
وجذاب اليكلج لحظه ناسيج
يالذكرج علي كل لحظه يجدد
يا شمس الغروب الما تأذي العين
ويا تربت بخت وداوي الأرمد
كبرج بالكَلب يا يمه هالموجود
وأسود ما لبست الكَلب ثوب أسود
وجذب للنجف ما أروح وأدور أعليج
وأسئل بالخلكَـ عن كبرج أتنشد
حافرلج كَبر يا يمه وسط أجلاي
قلعه بنص دليلي وبابه مشيد

ابو هجران الناصري