منتديات شباب الناصريه الفيحاء

عزيزي الزائر لكي تتمكن من التصفح واضهار المواضيع ما عليك سوى التسجيل

منتديات شباب الناصريه الفيحاء


    مااكولن احبك

    شاطر
    avatar
    نادية
    مشرف
    مشرف

    انثى
    الحمل عدد الرسائل : 68
    العمر : 52
    الوطن : قلب كل عراقي
    الوظيفه : حب العراق
    الهوايات : المراسلة
    تاريخ التسجيل : 24/02/2008

    مااكولن احبك

    مُساهمة من طرف نادية في السبت سبتمبر 13, 2008 12:40 am

    ما اگولن احبّك آنه ميّت بيك
    لأن هذا الورد منّك اخذ عطره

    لأن بيك الگلب متعلّگ و مجنون
    لأن گلبي يدگ من اسمك يمرّه
    لأن عشگي إلك مو عشگ ليله و يوم
    الله الخلق حبك بيّه بالفطرة
    بگليبي ولدت و كبرت و حلويت
    بگليبي زرعتك من چنت بذره
    سگيتك عاطفة و حب و دلال هواي
    تانيتك تخظّر و اصبحت ثمرة
    يا أجمل أثماري و يا حصاد النيط
    من طيفك يمرني الگلب شيصبره
    ياخذني عله بيتك گلبي يا محبوب
    و آنه ارگد و اغلّس و اخظع لأمره
    أعاين عله ابّيتك و احظن الشباچ
    أتاني الصبح يطلع و أبقى انتظره
    هلبت نظره منك تجبر المكسور
    هلبت تنجلي الآهات و ألحسره
    هلبت بوسه من خدودك الترفات
    تهيد برجفة الدلّال و أتخدره
    يا حلو الملامح يا ترف يا زين
    يابو خدود الگماري الدوم متنورة
    يا أجمل قصيدة و يا شعر منظوم
    و يا أجمل رواية عشگ بيهه اقره
    يا تاج الحِسن و انت أجمل الحلوين
    يا شمس الظهاري و بالمسا گمره
    يا دجلة بشفافك .. شفّتي مشحوف
    خلّي بدجلتك مشحوفي اله ذكره
    دخل أمواج دجلة تحرك المشحوف
    خلّه بدجلتك يغرگ .. دخل يبره
    دخلي سنين عمري تخضّر بملگاك
    خل يفرح گليبي ألما فرح عمره
    ما احچي و اوصّف طولك المهيوب
    و لا اوصّف ألشامه البلحنچ خطره
    و لا اگولن خدودك چنهه تفاحات
    بس اسألهه أمك هيه بيك أدره
    أمك لمه طلگت بيك صرخت حيل
    ما صرخت وجع لكنهه مبتشره
    تعديت بجمالك حسن (ابن يعگوب)
    و ما أظن آنه (يوسف) يوصل لعُشره
    جمالك داهية و يسحن سحن بالروح
    جمالك ظيم خلّه الوادم بحسره
    جمالك مو طبيعي .. و ما اگول أهواك
    آنه اعشگ تراب جدامك ألسمره
    آنه اعشگ الگاع ألشالتك يهواي
    و اسكر بالدرب لجدامك تمرّه
    آنه اعشگ جمالك ضحكتك ممشاك
    و اعشگ بيتك و شباچك و عطره
    آنه اعشگ عذابك قسوتك و جفاك
    و احبك لو صرت جوه الضلع جمره
    احبك و اشتعل من راسي للرجلين
    و صابيعي شمع اعلگلك العشرة
    احبك و اليحب مجبور يتعناك
    إمام الحِسن و مرادي فقط نظره
    عبدالله الرفاعي
    avatar
    العقرب العراقي
    مدير المنتدى
    مدير المنتدى

    ذكر
    الجوزاء عدد الرسائل : 348
    العمر : 32
    الوطن : العراق العضيم
    الهوايات : الانتر نت وبرمجه
    تاريخ التسجيل : 09/03/2007

    رد: مااكولن احبك

    مُساهمة من طرف العقرب العراقي في السبت سبتمبر 13, 2008 7:53 am

    الله الله الله
    شكراً لجهودلك المبذوله


    _________________




    ان شئت ان تحيا سليـــــما من الاذى 00 وحظـــــك موفور وعرضك صين
    لسانك لا تذكر به عورات امــــــــرئ 00 فكـــــلك عورات وللـــناس السن
    وعينك ان ابدت اليك مســـــــــــــاوئا 00 فغضها وقل يا عين للناس اعين
    وعاشر بمعروف وسامح من اعتدى 00 وفـــارق ولكن بالتي هى احسن

      الوقت/التاريخ الآن هو الخميس ديسمبر 14, 2017 2:14 am