منتديات شباب الناصريه الفيحاء

عزيزي الزائر لكي تتمكن من التصفح واضهار المواضيع ما عليك سوى التسجيل

منتديات شباب الناصريه الفيحاء


    قصيده غزل

    شاطر
    avatar
    ابوهموم
    نائب المدير
    نائب المدير

    ذكر
    السرطان عدد الرسائل : 86
    العمر : 29
    الوطن : اكو غير العراق
    الوظيفه : طالب
    الهوايات : لاعب كرة قدم وشاعر
    تاريخ التسجيل : 16/09/2008

    قصيده غزل

    مُساهمة من طرف ابوهموم في الثلاثاء سبتمبر 23, 2008 1:18 pm

    حـاير من تجي بيا ورده ألاگيك ..
    ويا عين التكفي وبيها اخليــك ..

    لذلك لازم اتلگاك بالبيت ...
    حته بكل كتر بالبيت الاگيك ...

    ومجرة انتة شتكفي الغرفه والبيت ..
    اسويلك سمه خاطر تكفيك ...
    .....
    وأحضنك خاف احضنك والله محتار ...
    وأگلك خاف اگلك خاف ابجيك ...

    اطلبك روحي بالله شلون وياك ..
    اطلبك روحي حتى بروحي اخليك ..

    واروح بورد جچفك لاخر الكون ...
    واتيه بورد وجناتك ورد بيك ...

    واشيلك بالجفن دمعة مجانين ...
    حتى اطيح عيني وما ابديك ...

    ردت من عندي روحي وماگلت لا ...
    ذبحت بروحي روحي وجيت اعزيك ...

    وگفتك رمح يم باب الجروح ...
    تدگ باب المنية وما احاچيك ...

    ارسمك ماي بس انت بخلگ نار ...
    وتشعلني شمع بس ما اطفيك ...

    عودك ينحني لو مرت الريح ...
    وانه شگد صلب بس انحني عليك ..

    تزعلني بكثر ما بالسمه نجوم...
    وانا اضعافهن اضحك واراضيك ...

    وتمر بية حلم وتفزز الناس ...
    ومحد ينتبه بس انه افز بيك....

    واسولف لك سنيني شيبچن دموع ...
    دمعهن دمعه رايح دمعه اتانيك ..

    وگبل لاتمشي تنزف دمعة الشوگ ...
    وينشف دمعته على يبچيك ...

    ذيچ الجية تدري انطيتك الروح ...
    وماظل شي بعد بس لازم انطيك ..

    شوف شباقي بية بكيفك اختار
    وانت براحتك اخذ اليكفيك ...


    قضاية الناس كلهن سالفة موت ...
    وانه وياك عدنه اترف قضية ...

    كلهم فدوة لعيونك يروحون ...
    ولابيهم بشر يرهم عليه ...

    اجت عينك بعيني ورجفت الکاع ..
    چا لو حاضنك شيصير بية ..؟

    اقدم روحي لك وردة وشمعتين ...
    واتيهك بالورد والگاك بية ..

    يبو عيون العسل خليني وياك ...
    شسوي ارجع بعد للناصريه ...


    شفتك وانخطف لوني عله ممشاك ...
    ونسيت اسمي وعلي وتاهت عليه ..

    اگلك ميت انه شلون ااحاچيك ..
    تگلي شلونك !!شخليت بية ..؟

    تسألني ورد روحي ذبل ليش ...
    لان وردات خدك مزهرية ...

    گوة تصير الي لتگلي متصر ..
    واذا متصير گوة تصير اليه
    .
    هدية ومو مهم منين جابوك ...
    بس انهجم بيتك من هدية




    ابوهموم
    avatar
    العقرب العراقي
    مدير المنتدى
    مدير المنتدى

    ذكر
    الجوزاء عدد الرسائل : 348
    العمر : 33
    الوطن : العراق العضيم
    الهوايات : الانتر نت وبرمجه
    تاريخ التسجيل : 09/03/2007

    رد: قصيده غزل

    مُساهمة من طرف العقرب العراقي في الإثنين سبتمبر 29, 2008 5:10 am

    الله الله
    عاشت الايادي
    رووووووووووووووووووووووووعه
    تقبل مروري العقرب العراقي


    _________________




    ان شئت ان تحيا سليـــــما من الاذى 00 وحظـــــك موفور وعرضك صين
    لسانك لا تذكر به عورات امــــــــرئ 00 فكـــــلك عورات وللـــناس السن
    وعينك ان ابدت اليك مســـــــــــــاوئا 00 فغضها وقل يا عين للناس اعين
    وعاشر بمعروف وسامح من اعتدى 00 وفـــارق ولكن بالتي هى احسن
    avatar
    ابوهموم
    نائب المدير
    نائب المدير

    ذكر
    السرطان عدد الرسائل : 86
    العمر : 29
    الوطن : اكو غير العراق
    الوظيفه : طالب
    الهوايات : لاعب كرة قدم وشاعر
    تاريخ التسجيل : 16/09/2008

    رد: قصيده غزل

    مُساهمة من طرف ابوهموم في الأربعاء أكتوبر 01, 2008 12:45 am

    حبيبي انته العقرب دمت لنا وشكرا لردودك الرائعه ولجهودك الراقيه

      الوقت/التاريخ الآن هو الإثنين أكتوبر 22, 2018 1:02 pm