منتديات شباب الناصريه الفيحاء

عزيزي الزائر لكي تتمكن من التصفح واضهار المواضيع ما عليك سوى التسجيل

منتديات شباب الناصريه الفيحاء


    قصيدة الوكت

    شاطر
    avatar
    ابوهموم
    نائب المدير
    نائب المدير

    ذكر
    السرطان عدد الرسائل : 86
    العمر : 28
    الوطن : اكو غير العراق
    الوظيفه : طالب
    الهوايات : لاعب كرة قدم وشاعر
    تاريخ التسجيل : 16/09/2008

    قصيدة الوكت

    مُساهمة من طرف ابوهموم في الجمعة أكتوبر 03, 2008 9:32 am

    دوس اعله الوكت

    واتحده طاري الموت ..

    دنياتك غضب يا صاحبي اتحده

    وادبج عالسطح


    خل يلغي راعي البيت

    ليكلك نزل وتخاف من عنده

    دنيه ابلا رحم لو بيه ذيب اصير

    لو تبقه الذليل المحد ايعده

    ***

    يا يوسف .. عليك اشكثر .. جار الضيم

    كلما مر ظلم

    جر ثوبك وقده

    ومن كابح زمانك والستر خوان

    محد ظل الك بس ظلت البرده

    يعني ابلا خجل .. شد جرحك الماذيك

    لا تنطر يجيلك واحد ايشده

    واتذكر ..

    زمانك .. حد عليك السيف

    خل سيفك يفز من نومته ابغمده

    حد نحر الظلم هذه اللفاك اسنين

    وبنحر الظلم هم خنجرك حده

    دنيه ابلا رحم .. لو بيه ذيب اصير

    لو تبقه الذليل المحد ايعده

    ***

    غلطان البشر .. من راصف الحيطان

    يا حايط ولك تتدربن ابسده

    مو هذه الوكت شص او نتل صياد

    واخو خيته اليطلع صيدته لوحده

    واخو خيته الضحك ..

    لو مر عليه عربيد

    واتحايل عليه .. واتحزم ابجلده

    با خويه الوكت صدكني بس الصيت

    ينذل ينكسر لو واحد ايرده

    اخذ عبره ..

    الجبل من تهز كاعه ايطيح

    بس جيب اليهز هالكاع ويهده

    ويهد السبع ويذله حد الموت

    ويخلي ابفخر نسوانه معتده

    دنيه ابلا رحم لو بيه ذيب اصير

    لو تبقه الذليل المحد ايعده

    ***

    كبل راح ابكبل .. صح كلنه جنه ابخير

    بس هسه الوكت

    لازم تكف ضده

    شل اليحرجك .. واتحسبه من الليل

    واتعشا كبل لا بيك يتغده ...!

    صير انته الصلب ..

    والمستحيل ايهون

    والموكده ابد لتكول .. مو كده ..

    اخذ طبع الطبر .. من يلزمه الحطاب

    صح طوله متر .. بس كلشي ميصده ..

    والغفله التمر ما بيه ليك الخير ..

    هجمات الوكت معروفه مرتده ..

    والعب بالصبر صدكني ما خسران

    ورقات الصبر كل ناقص اتسده ..

    دنيه ابلا رحم لو بيه ذيب اصير

    لو تبقه الذليل المحد ايعده ..

    ***

    جدمك من يزل ..

    عن درب بالك راح

    ولا واحد يذكرك جاب لو وده

    والصاح البنالك بالكلام اقصور

    تلكا ينهزم لو شافك ابشده ..

    فرق .....

    بين الحفز .. وبروحه ضمك حيل ..

    وفرق بين اليغدرك وانته التوده ..

    وفرق بين الزرعلك بالدرب عاكول ..

    وفرق بين الزرعلك .. بالدرب ورده ..

    دنياتك ...

    بحر بيه الجزر معلوم

    بس كونك تصل يا صاحبي لمده

    بس كونك تفرزن فرت الناعور ..

    من يفتر عكس هم مايه يتبده ..

    هم هذه .. الحزن لو فصليته اثياب

    يرهم للوكت يتفصل ابكده ..

    والضاد الطغت عالناس خمس اسنين

    هم تكدر تشيل الضاد والشده

    والبسته كبل وخدوده من تيزاب

    هم تكدر تبوسه انوب من خده ..؟

    دنيه ابلا رحم لو بيه ذيب اصير

    لو تبقه الذليل المحد ايعده
    avatar
    العقرب العراقي
    مدير المنتدى
    مدير المنتدى

    ذكر
    الجوزاء عدد الرسائل : 348
    العمر : 33
    الوطن : العراق العضيم
    الهوايات : الانتر نت وبرمجه
    تاريخ التسجيل : 09/03/2007

    رد: قصيدة الوكت

    مُساهمة من طرف العقرب العراقي في الجمعة أكتوبر 03, 2008 9:10 pm

    الله الله الله كلك ذووووووووووووق يالغالي
    تقبل مروري


    _________________




    ان شئت ان تحيا سليـــــما من الاذى 00 وحظـــــك موفور وعرضك صين
    لسانك لا تذكر به عورات امــــــــرئ 00 فكـــــلك عورات وللـــناس السن
    وعينك ان ابدت اليك مســـــــــــــاوئا 00 فغضها وقل يا عين للناس اعين
    وعاشر بمعروف وسامح من اعتدى 00 وفـــارق ولكن بالتي هى احسن
    avatar
    ابوهموم
    نائب المدير
    نائب المدير

    ذكر
    السرطان عدد الرسائل : 86
    العمر : 28
    الوطن : اكو غير العراق
    الوظيفه : طالب
    الهوايات : لاعب كرة قدم وشاعر
    تاريخ التسجيل : 16/09/2008

    رد: قصيدة الوكت

    مُساهمة من طرف ابوهموم في الجمعة أكتوبر 03, 2008 11:30 pm

    يسلمووووووووووووووووو منور الصفحه والله تحيااااااااااااتي الكـــ

      الوقت/التاريخ الآن هو الأحد يونيو 24, 2018 10:39 pm