منتديات شباب الناصريه الفيحاء

عزيزي الزائر لكي تتمكن من التصفح واضهار المواضيع ما عليك سوى التسجيل

منتديات شباب الناصريه الفيحاء


    أسف الخط انقطع

    شاطر
    avatar
    بنت ذي قار

    انثى
    الثور عدد الرسائل : 11
    العمر : 32
    الوطن : السويد من اصل عراقي
    الوظيفه : عشقت العراق
    الهوايات : وين ما كان
    تاريخ التسجيل : 29/10/2007

    أسف الخط انقطع

    مُساهمة من طرف بنت ذي قار في الإثنين نوفمبر 12, 2007 11:21 pm

    آسف الخط إنقطع


    ألو ..
    ألو ..
    ألو ..
    وطني .. حبيبي .. عمري ..
    أرجوك ماأسمعك
    بلكي تعلي الصوت
    أسمع رصاص و بجي
    وعبر الأسلاك الدمع
    يوصل وريحة موت
    أسمع صياح ولغط
    ومناداه يا هَل الربع
    خل نرفع التابوت
    أسمع عياط ولطم
    وأم تنعه يا هلَ الولد
    يلغربت بسكوت
    ويلكنت وكت المسه
    بيدك تكود الكمر
    وتصيرله زاتوت
    ويلكنت شمعة عرس
    من تنطفي الكهربة
    خدك يضوي بيوت
    وكان الدرب يستحي
    ويلوذ من خطوتك
    لو ردت مره تفوت
    مـاخـاف لـيل اليجي
    مادام في معصمي
    يوليدي تضوي بتوت .


    ألو ..
    ألو ..
    ألو ..
    مــاأســمعـك يـاوطـن
    بالخط إجت وشوشه
    وإرتفع صوت القصف
    وصوت أَبو يكل للولد
    شـد روحـك بعـتبتك
    يـولـيدي لا تنخـطـف
    البارحه أعلِنَوا:
    مجموعه ذبحت شمس
    والصبح شفنه الصور
    نشرتها كل الصحف
    وأنباء أخرى إجت
    عن إغتيال النهر
    من سَيَّرْ إعله الجرف
    والثالثه عن حقل
    حركوا ا ثيابه ومشِوا
    والحال ما تنوصف
    ومن قبل أول أمس
    طَوقوا بيت اللغه
    وباكوا ا بقايا الحرف
    شدينه إيد الشرف
    والطيب والمرجله
    وأطلقنه إيد العنف
    ألو ..
    ألو ..
    ألو ..
    يمكن الخط إنقطع
    مَيْؤَوسْ من هل الوضع
    ماينصلِح هل الظرف .


    ألو ..
    ألو ..
    ألو ..
    آسف ولا ينسمع
    والصوت مو الأولي
    الصوت أحس مرتبك
    ذبـلان ورد الحجي
    بشفافك ومنكتل
    من حقي لو كمت أشك
    آني عـرفـتك قبل
    من تحجي ينزل رطب
    والدنيا تمطر ضحك
    وبكلشي أشوفك تهل
    حتى الصبح من يجي
    ويه الشمس تشترك
    وما كان واحـد قبل
    ياخذ ركبتك غفل
    لو صار وكت العرك
    وما بالَغِت لو قلت
    كنت أويه موت النِزَلْ
    لو زامطك تشتبك
    والآن ياوطني:
    دنكت لأصغر قزم
    والكان يحلم قبل
    يوصل الحَد الورك
    معقوله ياوطني
    إتخلي الكمر ينذبح
    وسِتْر الشمس ينهتك؟ .

    ألو ..
    ألو ..
    ألو ..
    وطني .. حبيبي .. عمري
    كن بلهاتك جَرِحْ
    من تحجي أحِسْ مخننك
    شــايل بكفك نــهـر
    مـيت ونخله إنكـتل
    مـــــــابـين إديـهـا العثك
    شايـل بكفك وطــن
    مذبوح من كل كتر
    وبثوبـه ريحة حــرك
    مـن كنت أبـوسك قبل
    خـدك يوَرِد هـوى
    ومـثل الكمر تعتلك
    والآن ياموطني
    دم بلبل براحِتك :
    يابس وريحة كتل
    توصلني كلما تمر
    نسمه إعله جثة
    العشك
    هم شفت قبلك وطن
    كتاله شعبه وزرَع
    بثيابه مِيَتْ فتك ؟
    إحجي أريدْ أسْمَعَك
    مايسوه باقي العمر
    لوما تكول الصدك
    يلنعشَك إعله الجتف
    شلته بعد ماشفت
    كطعوك من العِرِك

    ألو..
    ألو ..
    ألو ..
    وطني .. حبيبي .. عمري
    الليله كاس الحزن
    أرد أشربه بصحتك
    مرت سنه من قهر
    وسنين راحت تجي
    وأنت على حـالتــك
    دورت بين الصور
    كلت ألكة بلكت ولو
    شي باقي من ضحكتك
    وفجأة:
    إتفَجِرَتْ قنبله
    مزروعه وسط الصور
    والدم ترَسْ راحِتك
    ودخان عالي إرتفع
    ما كمت أمَيّـز بعد
    رجليك من هامِتك
    كتلوك ياوطني
    أهل الوجوه الصفر
    واللي كرط ملحِتك
    كابلني شيل النعش
    أرد آني أدفنك وأرد
    أحجيلهــــــم قصِتك
    لكن غريب الأمر:
    إشلون أدفن ضوه
    وياكاع تكدر تلم
    ياموطني جثتك؟

    indianmoon

    ذكر
    القوس عدد الرسائل : 4
    العمر : 39
    الوطن : iraq
    الوظيفه : safety
    الهوايات : safety
    تاريخ التسجيل : 24/10/2007

    رد: أسف الخط انقطع

    مُساهمة من طرف indianmoon في الثلاثاء نوفمبر 13, 2007 7:10 pm

    انا اشكر بنت ذي قار على هذا الشعر المعبر وانا فعلا بكيت حينما قراءة الكلمات
    واقول يابنت ذي قار نباع الوطن واذا الاتصال بيه هسة ضعيف بالمستقبل راح ينكطع الا رحمة الله
    avatar
    العقرب العراقي
    مدير المنتدى
    مدير المنتدى

    ذكر
    الجوزاء عدد الرسائل : 348
    العمر : 32
    الوطن : العراق العضيم
    الهوايات : الانتر نت وبرمجه
    تاريخ التسجيل : 09/03/2007

    رد: أسف الخط انقطع

    مُساهمة من طرف العقرب العراقي في الخميس نوفمبر 15, 2007 12:37 am

    عاشت الايادي يا بنت ذي قار لاكن انا وسط شريان العراق والخط لدي مقطوع ما اعرف اشلون اعيده


    _________________




    ان شئت ان تحيا سليـــــما من الاذى 00 وحظـــــك موفور وعرضك صين
    لسانك لا تذكر به عورات امــــــــرئ 00 فكـــــلك عورات وللـــناس السن
    وعينك ان ابدت اليك مســـــــــــــاوئا 00 فغضها وقل يا عين للناس اعين
    وعاشر بمعروف وسامح من اعتدى 00 وفـــارق ولكن بالتي هى احسن
    avatar
    نادية
    مشرف
    مشرف

    انثى
    الحمل عدد الرسائل : 68
    العمر : 52
    الوطن : قلب كل عراقي
    الوظيفه : حب العراق
    الهوايات : المراسلة
    تاريخ التسجيل : 24/02/2008

    رد: أسف الخط انقطع

    مُساهمة من طرف نادية في الأحد أبريل 20, 2008 8:03 pm

    بكيت دمالادمعا عليك ياوطني
    بصراحة لم استطيع قراءة الموضوع للنهاية عاشت ايدك يابنت ذيقار

      الوقت/التاريخ الآن هو الأربعاء نوفمبر 22, 2017 4:33 pm