منتديات شباب الناصريه الفيحاء

عزيزي الزائر لكي تتمكن من التصفح واضهار المواضيع ما عليك سوى التسجيل

منتديات شباب الناصريه الفيحاء


    صديقي ادمع

    شاطر
    avatar
    ابوهموم
    نائب المدير
    نائب المدير

    ذكر
    السرطان عدد الرسائل : 86
    العمر : 28
    الوطن : اكو غير العراق
    الوظيفه : طالب
    الهوايات : لاعب كرة قدم وشاعر
    تاريخ التسجيل : 16/09/2008

    صديقي ادمع

    مُساهمة من طرف ابوهموم في الجمعة أكتوبر 03, 2008 11:40 pm

    صاير صديقي الدمع ... والفرح فاركَته

    مابين شوكَ وبعد .. ما شفت لون الدمع ... بس الطعم ضكَته

    واكتاب عمري عتكَ ... لو ما إلك بي فصل

    جا والله شكَكَته !!!

    دكَات وكتي كَشر ... آخرهن أويا الجرح ... ما تنوصف دكَته

    بعيونه حط شامتي ... فك باب جرحي عليّ






    وبدمي غركَته

    لميت كل الجرح ... وبروحي طبكَته

    عد غيري شفت الفرح ... بس مو دِنيّه النفس ... والهذا مابكَته

    يا من مثل طيبتك .... وياك عمري حِله ... والروح عاشكَته

    لمن إجيت بحلم ... جي أعرف بواقعك

    كل حلمي صدكَته

    شريان كَلبي نهر ... مركب عشكَنه مشه ... وعيون لاحكَته

    رسمك بعيني إختفه ... حسبالي ضاع الوفه

    كمت آنه أخم عالرسم .... وبروحي هاجس جفه

    ثاريهه لهفة عشك َ ... عالروح لازكَته

    والحكَ تراهه شمع ... والخيط بيهه العمر ... بالشوكَ حاركَته

    صفناتي الهه خلكَ ... لو كون بيك إصفنت

    بعيونك بضحكتك ... لو عالهمس سلطنت

    وطيوفك يسيّرن ... كل واحد بوكته

    يمك عفت لهفتي ... كَلبي وحنيني إلك ... كل صرخه .. كل سكته

    دلوني بس يادرب ... عنواني بي شوفتك

    بس الدرب طوّل !!!

    جم ليل مر وكَظه ... وإنطاني حصة السهر ... وإعله الفجر حوّل !!

    آخر محب رادتك ... روحي ويكَلهه الكَلب

    لا ... آخر وأول

    يايوم أشمك هوه ... وماشوف بينه الهوه .... دنيانه خانكَته

    لو ماعرف معدنك ... شوكَك وحبك إلي

    ياعشك َ جربّته

    جي غايب وما ترد ... ما عندي غير الدمع

    مجبور رافكَته

    كابوس اسمه الهجر ... مر اعله بالي وخلص

    لا سامح الله شفــــــــت ... ضيعت كل الفرص

    شوكَ الجمعنه عمر ... جن ناس بايكَته

    فزيت وإتحسرت ... بكابوس حزني إكفرت ... والطيف شكَكَته

    واركضت يم صورتك ... طلعت منهه وحي

    وبلهفه شابكَته

    وينك تعال اتعبت ... لا يفك سوره الجرح

    بسنيني طوكَته

    خايف يخلص الدرب ... وابقه آنه ويا الدمع ... طعم الدمع ضكَته

    واكتاب عمري عتكَ ... لو ما إلك بي فصل

    جا والله شكَكَته !!!



    ابوهموم
    avatar
    العقرب العراقي
    مدير المنتدى
    مدير المنتدى

    ذكر
    الجوزاء عدد الرسائل : 348
    العمر : 32
    الوطن : العراق العضيم
    الهوايات : الانتر نت وبرمجه
    تاريخ التسجيل : 09/03/2007

    رد: صديقي ادمع

    مُساهمة من طرف العقرب العراقي في السبت أكتوبر 04, 2008 1:04 am

    الله الله يالغالي تسلم والله
    تقبل مروري العقرب العراقي


    _________________




    ان شئت ان تحيا سليـــــما من الاذى 00 وحظـــــك موفور وعرضك صين
    لسانك لا تذكر به عورات امــــــــرئ 00 فكـــــلك عورات وللـــناس السن
    وعينك ان ابدت اليك مســـــــــــــاوئا 00 فغضها وقل يا عين للناس اعين
    وعاشر بمعروف وسامح من اعتدى 00 وفـــارق ولكن بالتي هى احسن

      الوقت/التاريخ الآن هو الخميس ديسمبر 14, 2017 2:16 am