منتديات شباب الناصريه الفيحاء

عزيزي الزائر لكي تتمكن من التصفح واضهار المواضيع ما عليك سوى التسجيل

منتديات شباب الناصريه الفيحاء


    ماعوفك جذب

    شاطر
    avatar
    ابوهموم
    نائب المدير
    نائب المدير

    ذكر
    السرطان عدد الرسائل : 86
    العمر : 28
    الوطن : اكو غير العراق
    الوظيفه : طالب
    الهوايات : لاعب كرة قدم وشاعر
    تاريخ التسجيل : 16/09/2008

    ماعوفك جذب

    مُساهمة من طرف ابوهموم في الأربعاء نوفمبر 12, 2008 12:22 am

    اسكتهن ويبچن ..
    والدموع الوان ..
    عيوني وعالبواچي ..
    مالهن ثاني ..
    شلت بيدي الجمر ..
    والحرگة احس بالروح ..
    ولا گلت لشماته ..
    الجمر چواني ..
    اطحن قهر والهم ياكل ويه الروح ..
    منشوفن ذكرياتك ..
    فوگ حيطاني ..
    عفتني ابليل وحدي ..
    والطريق طويل ..
    تيهتك ..
    وجرحي اعليك دلاني ..!!
    ماعوفك چذب ..
    والگالك چذاب ..
    ولا تگدر حبيبي بيوم ..
    تنساني ..
    من تضحك ..
    تردك ضحكتك للشوگ ..
    ومن تحزن ..
    تشوف ابعينك احزاني ..
    اسرارك ابگلبي ..
    وما بحت فد يوم ..
    ولا گدروا عليه ..
    وباگوا لساني ..
    ضميتك جرح ..
    واتچه عالاحاه ..
    وامكابر ضحكت ..
    اگبال عدواني ..
    من تيهت روحي ورادوا يدورون ..
    اجو يمك ..
    لأنك انت عنواني ..
    فرغت سلتي ..
    وماظل اليه متاع ..
    ما حنيت .. وانته ابوسط بستاني ..
    حاطتني السيوف .. ويمي صار الموت ..
    وانت ابعيد گاعد ..
    گلي شمتاني ؟؟


    ما ظن قصرت ..
    والعشرة صار اسنين ..
    ورهمت اعله بردك ..
    طبع نيراني ..
    بعدك بالگلب ..
    متربع ومرتاح ..
    وعطرك لسه اشمه ..
    ابين قمصاني ..
    يالنايم ..
    عيونك ما تمل النوم ..؟
    وآنه اعله السهر ..
    متعوده اجفاني ..
    بدموعي رويتك ..
    همي بس تصير ..
    عفت زرعي وتركته ..
    وذبلت اغصاني ..
    سألوني عليك ..
    وجاوبت الدموع ..
    اسكتهن ..
    ولكن غلبن لساني ..
    عرفوا كلشي بيه ..
    وكشفوا الاسرار ..
    لأن حبك لوحدك ..
    هو بچاني ..
    عشت وياك دنيا ..
    ويوم ياكل يوم ..
    سجين ابقفص حبك ..
    وانت سجاني ..
    ابرد ثلج يمك ..
    واستر المضموم ..
    اخاف اعليك من نيران بركاني ..
    دليت الفرح من شفته يمك چان ..
    اجت يمي الاحزان .. وهو ماجاني ..
    avatar
    العقرب العراقي
    مدير المنتدى
    مدير المنتدى

    ذكر
    الجوزاء عدد الرسائل : 348
    العمر : 32
    الوطن : العراق العضيم
    الهوايات : الانتر نت وبرمجه
    تاريخ التسجيل : 09/03/2007

    رد: ماعوفك جذب

    مُساهمة من طرف العقرب العراقي في الأربعاء نوفمبر 12, 2008 9:35 am

    waw
    عاشت ايدك حبيب قلبي
    صح ألسانك
    شعر راقي من انسان ارقى
    تقبل تحياتي
    العقرب العرا


    _________________




    ان شئت ان تحيا سليـــــما من الاذى 00 وحظـــــك موفور وعرضك صين
    لسانك لا تذكر به عورات امــــــــرئ 00 فكـــــلك عورات وللـــناس السن
    وعينك ان ابدت اليك مســـــــــــــاوئا 00 فغضها وقل يا عين للناس اعين
    وعاشر بمعروف وسامح من اعتدى 00 وفـــارق ولكن بالتي هى احسن
    avatar
    ابوهموم
    نائب المدير
    نائب المدير

    ذكر
    السرطان عدد الرسائل : 86
    العمر : 28
    الوطن : اكو غير العراق
    الوظيفه : طالب
    الهوايات : لاعب كرة قدم وشاعر
    تاريخ التسجيل : 16/09/2008

    رد: ماعوفك جذب

    مُساهمة من طرف ابوهموم في الجمعة نوفمبر 14, 2008 12:10 am

    يعجز لساني عن شكرك اخي العقرب العراقي تسلم على المرور اللي نور الصفحه

      الوقت/التاريخ الآن هو الخميس ديسمبر 14, 2017 2:14 am