تك اشتم من اخدودك وشم تك
تدري اشعاشكَـ بجفك وشم تك
اه من انضر اخدودك وشم تك
صواعق تنزل وتسحكَـ عليه
____
نظر عيني اعلى حسنك شنقضيه
وصعد فوك الحواجب شنقضيه
طحت فوكَـ وتكلي شنقضيه
القضيه فرهدت عقلي من اديه
_____
جبح روحي وتوفيجي وفلها
لان محد من احبابي وفلها
المصيبه التنكَي كَوه وفلها
يجن عشره ويسون فلك بيه
____
تعبت اعليك كَلي ون تعابي
اشمجازيك اعلى فعلك ونتعابي
عيبك كون استره وانت عيبي
تفضحه بنص خلكَ شمات اليه
____
مدري امسح دمعتي مدرسلها
مدري اغمد اسيوفي مدرسلها
افتحت بيبان كَلبي مدرسلها
أبطباشير الجذب تكتب عليه
___
الخلكَـ كله استعد لجلك ولك صف
وشتى اليكَرص تحول حر ولك صف
ألك مدرسه بدلالي ولك صف
وألك شعبه وادارة ثانويه
____
لها محراب بيه وجامع الها
وأله الحسن نضره جامع الها
من باجر لشيد جامعه الها
ولها افتح قسم بالناصريه
____
السماحة حبي فاتح مكتب الها
ومن تفتي بهلاكي مكتب الها
افتحت كَلبي الكتبها مكتب الها
ولا مره افتحت كَلبي عليه
________
وراك اعيوني تربي دفتر الها
رحت والي تضدني دف ترى الها
لحط روحي بكتبها دفتر الها
ولون بيتي رضيت اتخط عليه
____
ونتضرو الجديد لكن بعد الردود
