جك جك تطيح الناس بس آنه طباه *** اسم الله محد كال كالولي وجعاه
كــــل البشر دولار بــس انت دفتر
بكلبي حضر تجــــوال بس انت تفــتر
سوبر يسوق هواي وسويجه ذهبي........غالي وكراجه الروح والساحه كلبي
عوف الولف ياصاح بالك تداري ××× لوتنطي ماي العين تشبع بواري
بالجنه لو طبيت والحور اجني*** اصرخ اريد هواي شلي بهذني
لا عقد لا تعيين خيبت الامال *** من حالي يالدستور هم تستحي الحال
لا عقد لا تعيين وامريكه تفتر
تبني كثير اسجون بس الله يستر
لا عقد لا تعيين لا اجر يومي *** ارحمني يالدستور ركدن هدومي
صايم على فركاك ولشوفك انطر *** كبل المنيه بيوم احضرني.. افطر
امطرلك اسبوعين بس لوتمر طيف
ولو بلصدك مريت امطر شته وصيف
فز وانكصم نصين كلبي اعله طاريك
كم نص تظن ايصير لمن يلاكيك
أشكيلك من الشوك كاضيني كضيان *** ومن كثر نوحي عليك شالو الجيران
نمت انه علـ تبريد حسبالي اغفه *** نار المــحب بحــشاي ماترضه تــطفه
دك روحه ست دكات و نكلب هزاز *** جوالي هم شيطان يعرفهم عزاز
حبك سكن بالروح فلشني تفليش *** لا تخسر السنتات جاوبني ترميش
انت بوسط هل روح لاتظن اعوفك *** ادفع عشر ورقات بس كون أشوفك
بيت البنيته وياك واعكاده الاضلوع * ميخر وحك عيناك لو تمطر اسبوع
جان الكلب فولاذ هسة الكلب جام .. كامن يردمن بيه همك والايام
بالمدرسة اتعلمت اكتب شعر واسفار *** ومن بعد عين الولف صرت اكتب اخبار
ماهمني الكصاب من علك جلاي همني الصديق الكال عيرلي من هاي
كل ظني بيك ارتاح بيك اظوي داري...ثاري طلع يفلان حبك تجاري
يمه النفط والغاز يغلن على هواي *** دزيت عالمحبوب يدفه وياي
بَغْـدَادُ أَنتِ الحُلْمُ وَالأَمَلُ,,,وَأَنتِ رُغْمَ العَوَادِي الشِّعرُ وَالغَزَلُ
